WIKA: SA BIBLIYA

Sa simula'y iisa ang wika at magkakapareho ang mga salitang ginagamit ng lahat ng tao sa daigdig. Sa kanilang pagpapalipat-lipat sa silangan, a nakarating sila sa isang kapatagan sa Shinar at doon na nanirahan. Nagkaisa silang gumawa ng maraming tisa at lutuin itong mabuti para tumibay. Tisa ang ginagamit nilang bato at alkitran ang kanilang semento. Ang sabi nila, "Halikayo at magtayo tayo ng isang lunsod na may toreng abot sa langit upang maging tanyag tayo at huwag nang magkawatak-watak sa daigdig."

Bumaba si Yahweh upang tingnan ang lunsod at ang toreng itinayo ng mga tao. Sinabi niya, "Ngayon ay nagkakaisa silang lahat at iisa ang kanilang wika. Pasimula pa lamang ito ng mga binabalak nilang gawin. Hindi magtatagal at gagawin nila ang anumang kanilang magustuhan. Ang mabuti'y bumaba tayo at guluhin ang kanilang wika upang hindi sila magkaintindihan." At ginawa ni Yahweh na ang mga tao ay magkawatak-watak sa buong daigdig, kaya natigil ang pagtatayo ng lunsod. Babel ang itinawag nila sa lunsod na iyon, sapagkat doo'y ginulo ni Yahweh ang wika ng mga tao. At mula roon, nagkawatak-watak ang mga tao sa buong daigdig dahil sa ginawa ni Yahweh.

WIKA: PAGKAKAIBA

May iba't ibang pananalitang lumalaganap sa isang bansa gaya ng sa Pilipinas. May Tagalog, Bisaya, Waray, atbp. Pero gayon pa man, mayroon ding itinatag ang bawat mamamayan ng isang bansa kung ano ang kanilang magiging pambansang WIKA. Dito sa Pilipinas, ang pambansang wika ay Filipino na noon ay wikang Pilipino. Ito ay itinatag upang magkakaroon ang ugnayan ang mga Pilipino sa pamamagitan ng malawakang komunikasyon.

WIKA: PARA SA PAG-UNLAD

Ang WIKA ay isang kolektibong puwersa kung saan ito ang naghihikayat sa mga tao upang magkaroon ng pakikipag-ugnayan sa isa't isa. Kapag nagkakaroon na ng pakikipag-ugnayan sa kapwa, dito na magsisimula ang tinatawag na pagtutulungan na siyang daan tungo sa pag-unlad ng ekonomiya ng isang lipunan.